MUQADDIMAH

قال رسول الله صلى الله عليه وسلم
 (تعلموا من أنسابكم ما تصلون به أرحامكم ) 

محاورة عبدالله الســــــلمي و سعــــــود الزعبي من غير ردود 

سعــــــــود

ياسـلام الله عليكـم سنـة مشروعـه = ثم اثنيها وارحب والعـن الشيطانـي

في مواقع زعب اسير وهامتي مرفوعه = والضحيه في نهار العيد ابن عتقانـي


عبدالله

مرحبا ترحيبةٍ بين العرب مسموعـه = تشفي القلب العليل وترضي الزعلاني

يكثر التهديد عبر الكلمـه المطبوعـه = والنهايه يبرز الفائز من الخسرانـي


سعود


العلوم اللي تجي مثنيـة مربوعـه = ترضي الجهال لكن تزعل الشيباني

 اثر ابو هذال في الدنيا فريد نوعه = وده يزيح البقيلي شاعر السلمانـي


عبدالله


بطن يشبع فالحياه وبطن واضح جوعه=هكذا دنيا الخلايق من على الجداني

هرجةٍ تعطي مجال وهرجةٍ ممنوعه=كيف تنسى إن البقيلي واحد من إخواني


سعود

السبب ياصاحبي من نفسك المقلوعـه = البلد هذه بـلادي والعـرب جيرانـي


والبقيلي عودكم وامشوا على موضوعه = لو يصفق لك حبيب وتركي الميزانـي


عبدالله


لو إبن مدلاج عنده قنبلـه مصنوعـه = كان مايمشي على وجه الثراء نصراني

جعل والله ماتموت النخله المزروعـه = تمرها حلو المـذاق وعرقهـا ريانـي


 سعود

انت ذيب كل مايعوي تلـج ضلوعـه = بندق الرعيـان لاتنهيـك ياسرحانـي

 ياصحيبي مانضيق من الشهر واسبوعه = مايضيق الطير ابو مخلب وابو جنحاني


عبدالله

الكتاب اللي يسمى عندكم موسوعـه = مارغبنا فيه مـن توزيعـه المجانـي

كل زعبي في ضميره راسمٍ مشروعه = بس فالتنفيذ لازعبـي ولا قحطانـي